مجموعة من الابوذيات (مشكل يالوز)

[عازف على اوتار الحب]

 

 

طرب , طرب توب

مجموعة من الابوذيات (مشكل يالوز)

فؤادك بالهوى يازين نقال
واريدك دوم للطيبات نقال
حبيبي ماجبت للحين نقال
يرن بالليل ونسولف سويه
ــــــــــــــــــــــــــــــــــــــــ
غزاني الدهر بجيوشة وعدها
وطريحة الروح بس تنطر وعدها
ابد وياك ماتخلف وعدها
لانك يا وفي تنشد علية
ــــــــــــــــــــــــــــــــــــــ
ترد روحي اليه مرة شفتك
وابد لاتظن حلوة مرة شفتك
بحضن الغير ذايب مرة شفتك
عين بعين ماهميت بيه
ــــــــــــــــــــــــــــــــــــــــــت
الفضل والاعضمية جا نسني
عشت يومين بيهن جا اني سني
صديقي اكبال بيتي جان سني
نزور حسين انه ويا سويه
ــــــــــــــــــــــــــــــــــــــــــ
ياريح هاك اخذ مكتوب وصله
اهيمن لو كطع وياي وصله
كص من كلبي وخذ وياك وصله
عساه يشوف جرحي ويحن عليه
ـــــــــــــــــــــــــــــــــــــــ
ياصاحبي الشعر امحليك ....بالعين
انصــحك لاتخلي الكـحل.... بالعين
اخاف علـيك لا تنـــصاب... بالعين
ترة العين تصيب وتاذي اذية
ـــــــــــــــــــــــــــــــــ
مشينه بديرة الغربة وضعنه
ووكعنه بناس ماتعرف وضعنه
نخيت الحمل دياره وضعنه
يحنن كل گلب قاسي عليه
ــــــــــــــــــــــــــــــــــــــــــــــــــ ــ
هذه اهداء الى حبيبتي نسيبه
هواكم ابد مانكدر نسيبه
مثل القطعه من كبده نسيبه
لؤي يبقى يحب اسمج نسيبه
لحد الموت ولحد المنيه
ـــــــــــــــــــــــــــــــــــــــــــــــــ
امسك انه وحاير شمسك
بحلاتك منك انت تغار شمسك
حظنتك وصاح امساك شمساك
يصير امساك من تغفه علئ اديه
ــــــــــــــــــــــــــــــــــــــــــــــــــ
تعلمنه ونشدنه من علمنه
وصفينه حجار ونشد من علمنه
نشيل الله واكبر من علمنه
ونحد ااالله كريم وهاي هيه
ــــــــــــــــــــــــــــــــــــــــــــــ
اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه
ـــــــــــــــــــــــــــــــــــــــــــــــــ
صبابة اللك وحدك نصبها
محاجيك عسل عالمر نصبها
الكلب كم سيطرة بروحي نصبها
غيرك مايمر لومو هوية
ـــــــــــــــــــــــــــــــــــــــــــ
اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه
ــــــــــــــــــــــــــــــــــــــــــــــــــ
عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه
ــــــــــــــــــــــــــــــــــــــــــــــــ
جنت وباك واحد منتقسم
راضي بحصتي منك من تقسم
عرفت شلون تغدر من تقي السم
من حلك الافاعي وجبتة لية
ــــــــــــــــــــــــــــــــــــــــــــــــــ ـ
تعال احسب بهمي عده انته
وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه
ـــــــــــــــــــــــــــــــــــــــــــ
احس بنياب حدر الضلع لاچن
بدليلي ولا اوچد بعد لاچن
السبب موش بتجافي هواي لاچن
السبب شي فاركيته وروح بيه
ــــــــــــــــــــــــــــــــــــــــــــــــــ
يشاخص بالغرام وصعب لوحاك
ويخيط يطرز الاهات لوحاك
غريج انه وصفيت بعوز لوحاك
واتاني امواجك تشمرك عليه
،،،،،،،،،،،،،،،،،،،،،،،،،،،،،،،،،،،
مسجون جان الوطن ونهرينه اله جامعه
وجان الكنيسة تون ويهل دمع جامعه
لكن بقه بهيبته وكل البخت جامعه
من حيث رغم الجره ما چف يمد طلاب
ومامن ذلول غده وفرسًُ وراه طلاب
من نار البكلبهم ركضوا على الطلاب
بلكت يموت الوطن من تنزف الجامعه
ــــــــــــــــــــــــــــــــــــــــــــــــــ ــــــــــ
احبابك لا تكاطع دوم مرهم
واخليك لجروح القلب مرهم
انا بلياك لا والله مرهم
حبيبي بغيبتك شفت المنية
ــــــــــــــــــــــــــــــــــــ
انا العطشان منك مي أتاني
ومثل صبري بغيابك من يتاني
تگلي شلون صحتك ميت اني
وبعدك روحي عرفته المنيه
ــــــــــــــــــــــــــــــــــــــــــــــــ
كضه عمري بقهر ونتظر غادي
وعليك الكلب مثل النار غادي
باجر من يصير حساب غادي
شتكل لله على السويته بيه
ـــــــــــــــــــــــــــــــــ
الك كعد بدليلي ودار من دار
وعلى غيرك حبيبي النظر مندار
الروح افراش الك والكلب مندر
واذا موكطن اصلي اعتب علية
ـــــــــــــــــــــــــــــــــــــــ
ليالي الظيم من كل صوب جناي
وعليك براسي كام ايصيح جناي
موبيع وشره شاريك جناي
شريتك ضخر خاف اتميل بية
ـــــــــــــــــــــــــــــــــــــت
نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟
ــــــــــــــــــــــــــــــــــــــــــــــــــ ـــ
يا ناس باعو لعلتي وورمهة
جبير وما اضن يهدأ ورمهة
احبهة من جانت تمشي ورمهة
وهي تحبني من جانو يلومون بية
ـــــــــــــــــــــــــــــــــــــــــــــــــ
اجيت امشي بتوالي اليل واسعة
على ام الشعرالطويل وعيون وسعة
ياحافر قبر لهواي بالله عليك وسعة
اريد اني وحبيبي نندفن بي سوية
ـــــــــــــــــــــــــــــــــــــــــــــ
سابيني بجمـــاله اوطول شعره
انا اموت من اسمع ابياته وشعره
انا بيني وبين المـــوت شعره
حبيبي اشوكت تلــــــحك عليه
ـــــــــــــــــــــــــــــــــــــــــــ

المصدر: منتديات طرب عراق - طرب العراق - من قسم: الشعر الشعبي

---

l[l,um lk hghf,`dhj (la;g dhg,.) 'vf 'vf j,f

[اسيرالذكريات]

الف شكر ياغالي عالمجهود الاكثر من رائع
ارجو ان تقبل مروري..