قصيدة لام عراقيه فقدت ابنها

[عازف على اوتار الحب]

 

 

طرب , طرب توب

قصيدة لام عراقيه فقدت ابنها

آنه الوالدة وجور الوكت ذبني وأحس الروح راحت من رحت يبني
‏*** ‏
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
‏*** ‏
تكبر والأمل يبني كبر وياك لدارك من تطبها بلهفة أتلقاك ‏
تصد عيني إعلى طولك والكبد يرعاك ماأدري تروح وتنفقد مني
‏*** ‏
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني‏
‏*** ‏
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
‏*** ‏
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
‏*** ‏
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
‏*** ‏
من بعدك أقضي بالحزن يومي يجيني الليل وأتوسد على همومي‏
كل لحظة أفز مرعوبة من نومي جنك مامتت آنه المتت جني
‏*** ‏
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني

المصدر: منتديات طرب عراق - طرب العراق - من قسم: الشعر الشعبي

---

rwd]m ghl uvhrdi tr]j hfkih 'vf 'vf j,f

[اسيرالذكريات]

الف شكر ياغالي عالمجهود الاكثر من رائع
ارجو ان تقبل مروري..