قصيده للعشاق

[عازف على اوتار الحب]

 

 

طرب , طرب توب

قصيده للعشاق

عطشني بحلاتك ارد اموت عليك ،،
واسكَـيني ابمرارك احته لواسكر .

يل تارس شليلك بالورد اشكال ،،
وبخدك ورد كل شوفه يتغـير .

أدوخ أمفـصلات اشفايفـك تـفـصال ،،
من تغـضب شكل وبشكل من تغـتر .

يل المعـتـق عيونك بالخمر بهداي ،،
بس ادير عينك عل الخلكَـ تسكر .

اشوفنك امكَـبع ما افرزن هاي ،،
عباية ألمتك لو شعـرك اطشر .

مدري اشلون تمشي ،، واتمشي مدري اشلون ،،
كَـوه امركدات الخصر والموكر .

ماتكفيك اديه من أحضن الجتفين ،،
بس خصرك الزمه باصبعـين اكَـدر .

لو اعرف زفيرك جاب عطره منين ،،
تسمح لليحب بالزفر يتعـطر .

انا بكل قواي وبس تحرك اشفاك ،،
احس اتموع روحي ابسدك واخدر .

طشها الواهلية من الضحـك عل الرووس ،،
لاجلك لونطش اكَـلوب مانخسر.

دخيلك لا تغـرد لا تبجي الناي ،،
يل صوتك أذان وللحسن كبر .

ما اكَـدر ابوسك من حلاة البيك ،،
اخافـن من ابوسك يصعـد السكر .

المصدر: منتديات طرب عراق - طرب العراق - من قسم: الشعر الشعبي

---

rwd]i gguahr 'vf 'vf j,f

[اسيرالذكريات]

الف شكر ياغالي عالمجهود الاكثر من رائع
ارجو ان تقبل مروري..