المزززززززة شفتك

[عازف على اوتار الحب]

 

 

طرب

المزززززززة شفتك

_-_( المزة شفتك )_-_
راح اجرك ساده وسكر.,.ما اكاسر بيك ودي
وراح اخلي المزه شفتك.,.حتى يصعد فول عدي
حتى بلكت اكدر انسه..
انسه خصرك ..
حتى ابطل شغلي وگعد
ورد احظنك بيك وحدك..

ورد اخبطك بيك بيه.,.وبقه عدك وانت عدي..
حتى بلكت منك اشبع..
بلكي ناسي بيك تقنع..
ورد امثل بيك مرجع..
موبعيده ولاغريبه يجوز انت محجوبه من قبل الأداره تطلع..؟
اليشوفك صعبه يصبر..
واليصومك بيك يفطر..
وياك يمشي وبيك يبحر..

موتكبر..موتطفر..لاولا شدعوه تگول..
هذا طعمك هذا لونك.,.
آية انت موبجمالك.,.هذا حسنك هذا حالك..
نگدر احنه انگلك اية.,.وهم اگلك ماهي انته..ولاجزيئه من حلالك..
بس نشوف الآية منك.,.آية شفناها بخيالك..؟
شنهي الصار شنهي الجره.,.
عمي ارحم شوف ناسك..سكرت وگامت تطيحن..
يمنه..يسره..وليوره..؟
فوت جوه أحسن اختل.,.كافي عادن ماتحس
وانت تمشي الگاع تنتل.,.خاف تحرگ هل شمس..
راح اغمس بيه حبك.,.راح اظل امشي وراك
انت مو انسان عادي.,.انت قطعه من الملاك
فيني منك فيك مني.,.عبدو غناها ولگاك..
لكن آنه راح اسجنك.,.راح اظمك عل بشر
خايف انه من هوانه.,.عليك اخاف من الگمر
انت عينك ليله گمره.,.ليله مغرب عل بحر
وشفنه عدك شي خيالي..روج راكد شفته جفنك..
والمصيبه البعد اضرب ابرمشك تمشط الشعر..؟
نوح گامت بيك تبحر.,.ياورك وشكبره نوحك
مرايه هاك وشوف نفسك.,.اجط عليك تبوس روحك..؟
يعني لازم راح اظمك.,.موبدي لازم امنعك
تريد ترفض عادي ارفض.,.آنه راح افطر وبلعك..؟
ما أرجعك..ما اطلعك..بيه ابقى وعيش آنه
ابقه بيه حتى اعيشن..رجع گليبي ابمكانه..
وبقى اثگل ما أملك..ابقه جوعان الحمل
انت فص شكرايه عسله..بياوكت ملها النمل..؟
وحشي حبك وآنه حمزه.,.بيه رمحك لاتهده
آنه اموت بجلمه منك.,.ورد اعيش بغمزه وحده..؟
ياشمس بعيوني تطلع..آنه طفل بحبك ارضع
ابقه لاخر هل قصيدة..ما أريدك تبقى مطلع..؟
ابقه لاخر هل قصيده..ما أريدك تبقى مطلع ؟

القصيدة للشاعر المبدع احمد ماجد

المصدر: منتديات طرب عراق - طرب العراق - من قسم: الشعر الشعبي

---

hgl.......m atj; 'vf

[ابراهيم الراوي]

[اسيرالذكريات]

الف شكر ياغالي عالمجهود الاكثر من رائع
ارجو ان تقبل مروري..